மறந்து போன பாடல்கள்..

கடந்த ஒரு வாரமாக "சதுரங்கம்" திரைப்படம் - விரைவில் என்கிற விளம்பரம் பத்திரிக்கைகளில்..



சற்று பின்னோக்கி திரும்பிப் பார்க்கிறேன்..
நான் இறுதி ஆண்டு முதுகலை பயிலும் பொழுது சதுரங்கம் திரைப்படத்தின் பாடல் வெளியிடப்பட்டது.. பார்த்திபன் கனவு என்கிற அருமையான திரைப்படத்திற்குப் பிறகு கரு. பழனியப்பன் இயக்கிய படம் - இதழியலை (Journalism) மையமாகக்கொண்ட ஒரு ஆக்க்ஷன் த்ரில்லர் - அப்பொழுது உச்சத்தில் இருந்த வித்யாசாகர் இசை - என்று அந்தத் திரைப்படத்தைப்பற்றி மிகுந்த எதிர்பார்ப்பு இருந்தது..
பாடல்களும் மிக அருமையாக வந்திருந்தது..
பின்வரும் இந்த இரு பாடல்களும் எனக்கு மிகவும் பிடித்துப்போய் அடிக்கடி கேட்டுக் கொண்டிருந்தேன் அந்த காலகட்டங்களில்..
"கார்த்திக்/ ஸ்ரீலேகா பாடிய - எங்கே எங்கே என் வெண்ணிலவு"
"மது பாலகிருஷ்ணன்/ ஹரிணி பாடிய - விழியும் விழியும் நெருங்கும் பொழுது"

கிட்ட தட்ட ஆறரை வருடங்கள் ஓடிவிட்ட பிறகு இப்பொழுது படம் வெளியிடப்பட்டுகிறது..
படம் வெற்றிபெறுமா? ரசிகர்களை கவருமா? - தெரியவில்லை..
ஆனால் நான் கண்டிப்பாக இந்த படத்தை பார்ப்பேன்..

சதுரங்கம் திரைப்படத்தின் பாடல்களை இங்கே கேட்கலாம்..

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

சதுரங்கத்தைப் பற்றி பேசுகிற பொழுது ஞாபகம் வருகிற மற்றுமொரு திரைப்படம் "காதல் சாம்ராஜ்யம்"..



பழம்பெரும் தயாரிப்பாளர் பஞ்சு அருணாசலம் தயாரிக்க, தேசிய விருது பெற்று உச்சத்தில் இருந்த அகத்தியன் இயக்க, யுவன் (தன்னுடைய ஆரம்ப காலகட்டங்களில் இருந்தபொழுது) இசையமைமக்க, முழுக்க முழுக்க இளைஞர்களைக்கொண்டு எடுக்கப்பட்ட படம்.. அருமையாக விளம்பரம் செய்து பாடல்களை வெளியிட்டார்கள்.. அனைத்து பாடல்களுமே அருமையாக இருந்தது..
இது நான் இளங்கலை முடித்து முதுகலை பயில ஆரம்பித்திருந்த காலகட்டம்.. எங்களுடைய விடுதி அறையில் இந்தப்பாடல்கள் ஓயாமல் ஓடிக்கொண்டிருந்தது நினைவுக்கு வருகிறது..
என்னுடைய விருப்பத் தேர்வாக இருந்த பாடல்கள்..
பல்ராம்/கோபிகா பாடிய - இரு கண்கள் சொல்லும் காதல் சேதி"
சங்கர் மகாதேவன் பாடிய - "கல்லூரி பாடம் மாற்றுங்கள்"
எஸ்.பி.பாலசுப்ரமணியம்/ சுஜாதா பாடிய - "சித்தன்ன வாசல் சித்திரம் போல உனையார் வரைந்தாரோ"
பாடல்கள் தவிர, ஒலிநாடாவில் இடம்பெற்றிருந்த "சல்சா தீம்" என்ற இசை கோர்வையும் எனக்கு பிடிக்கும்..

சதுரங்கதைப் போலவே, இந்தப்படமும் முழுமையாக எடுக்கப்பட்டு இன்றுவரையிலும் வெளிவராமல் தூங்கிக் கொண்டிருக்கிறது..

காதல் சாம்ராஜ்யம் திரைப்படத்தின் பாடல்களை இங்கே கேட்கலாம்

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

இதைப்போலவே, நான் பள்ளி இறுதி ஆண்டு படிக்கும்போது வெளிவந்த பாடல்கள் கோடீஸ்வரன் என்ற படத்தினுடையது..

அப்பொழு பிரபல தயாரிப்பாளராக இருந்த கே.டி. குஞ்சுமோன் தயாரிப்பில், அவரது மகன் எபி குஞ்சுமோனும், சிம்ரனும் நடிக்க, அகோஷ் என்று அழைக்கப்பட்ட மூன்று இசையமைப்பாளர்கள் இசையமைப்பில் வெளிவந்தது.. படத்தின் பாடல்கள் அப்பொழுது சற்று நன்றாகவே வரவேற்ப்பை பெற்றது.. ஆகோஷ் இசையமைப்பில் அதற்க்கு முன்னர் வந்த ஹரிச்சந்திரா (கார்த்திக், மீனா நடித்தது) படத்தில் பாடல்கள் நன்றாக இருந்த காரணத்தினால் கோடீஸ்வரன் பாடல்களையும் நான் வாங்கி கேட்டேன்.. "தாம் தரிகிட தோம்" என்ற பாடல் எனக்கு அன்றைய விருப்பபாடல்.. மனோ பாடிய "அடி கண்ணே" என்கிற பாடலும் எனக்கு பிடிக்கும்..முந்தய இரு படங்களிப்போல் அல்லாமல் இந்தப்படம் படப்பிடிப்பே நிறைவு பெறாமல் நின்று விட்டது..

கோடீஸ்வரன் திரைப்படத்தின் பாடல்களை இங்கே கேட்கலாம்..

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

நம் இசைஞானி விஷயத்தில் இப்படி பல பாடல்கள் படங்களிலிருந்து வெட்டுபட்டிருக்கின்றன.. அவற்றில் நான் இன்றும் அடிக்கடி கேட்கும் பாடல்கள் சில..
அலைகள் ஓய்வதில்லை - ஜானகியின் குரலில் "புத்தம் புது காலை, பொன்னிற வேளை"..
தளபதி - ஜானகி, யேசுதாசின் குரலில் "புத்தம் புது பூ பூத்ததோ"..
ராஜாதி ராஜா - பி.சுசிலா, சித்ராவின் குரலில் "என் நெஞ்ச தொட்டு சொல்லு என் ராசா"

இப்படியாக பல பாடல்கள்- நான் கேட்டு ரசித்து, பின்னாளில் திரையில் வராமலேயே போய்விட்டது..

நன்றி !!

தியாகமும், உதவியும்..

சமீபத்தில், என் உடல் உபாதையை நிவர்த்தி செய்து கொள்வதற்காக இரண்டு வார விடுப்பில் ஒரு Physiotherapy Center சென்றிருந்தேன்..
அதன் மேலாளர் என்னை விட ஒரு பத்து வயது மூத்தவராக இருந்தார்.. கிருத்துவர்.. கிருத்துவம் போதித்த அன்பைப்பற்றி அவ்வப்பொழுது என்னிடம் சொல்லிக்கொண்டே இருப்பார்..

அவர் சொன்னதில் ஒரு விஷயம் என்னை மிகவும் கவர்ந்தது..
அது "உன்னை சுற்றி இருக்கும் மனிதர்களுக்கு உன்னால் முடிந்த ஒரு சிறு தியாகத்தை செய்து பார்.. பிறருக்கு உதவி செய்தால் வரும் மகிழ்ச்சியைக் காட்டிலும் அது பிரமாதமாக இருக்கும்"..

நான்: "நம்மை சுற்றி இருப்பவருக்கு உதவி செய்வதை தானே சொல்லுகின்றீர்கள்"..
அவர்: "உதவி அல்ல.. சிறு தியாகம்"..
நான்: "புரியவிலையே"
அவர்: உன்னிடம் நூறு ருபாய் இருக்கிறது.. அதை கொண்டு உன்னால் போதும் என்கிறமட்டும் நன்றாக சாப்பிடமுடியும்.. சாப்பிட்டு முடித்த பின் சற்று பணமும் உன்னிடம் மிஞ்சும்.. அப்பொழுது முடியாத ஒரு வறியவன் உன் கண்ணில் தென்படுகிறான்.. நீ முடிந்தமட்டும் சாப்பிட்டால் மீதமாகக்கூடிய பணம் கொஞ்சம் இருக்கும் அல்லவா.. அதை அவனுக்கு நீ கொடுக்கின்றாய்.. அது உதவி..
உன்னிடம் ஐம்பது ரூபாய் மட்டுமே இருக்கிறது.. அதை கொண்டு உன்னால் மட்டுமே திருப்தியாக சாப்பிடமுடியும்.. சாப்பிட்டு முடித்த பின் பணமேதும் மிஞ்சாது.. அப்பொழுது முடியாத ஒரு வறியவன் உன் கண்ணில் தென்படுகிறான்.. அவனுக்கு இருபது ருபாய் குடுத்து அவனையும் சாப்பிட வைத்து, நீயும் பாக்கி பணத்தில் சுமாராக சாபிடுகிறாய் என்றால் அது தியாகம்..
நான்: ம்ம்.. (மனதிற்குள் - என்னால் முடிந்தமட்டில் பிறருக்கு நான் உதவி செய்கின்றேன்.. தியாகம் செய்ய வாய்ப்பு கிடைத்தால், அதையும் செய்து பார்க்கலாம்)..

சில நாட்களுக்கு முன்பு நடந்த ஒரு சம்பவம்..
என் வீட்டை சுத்தம் செய்து, துணி துவைத்துக் கொடுக்கும் (சற்றே வயதான) பெண் மிகுந்த முக வாட்டத்துடன் தன் வேலையே செய்து கொண்டிருந்தார் அன்று..
அவரை எனக்கு மிகவும் பிடிக்கும்.. நல்ல பெண்மணி..
அவர் தன் பொண்ணுக்கு அடுத்த மாதம் திருமணம் நிச்சயித்திருந்தார்..
அவர்: "நேற்று என்னுடைய மொபைல் போன் உடைந்து விட்டது.. அதை வாங்க குறைந்த பட்சம் இரண்டாயிரம் ருபாய் ஆகும்.. அது இருந்தால் நான் வேறு ஏதாவது கல்யாண செலவிற்கு பயன்படுத்திக் கொள்வேன்.. இந்த கல்யாண நேரத்தில் என்னிடம் செல்போன் இல்லாதது மிகவும் கஷ்டமாக இருக்கிறது"..
நான்: "(மனதிருக்குள் - ஆம்.. இரண்டாயிரம் ரூபாய் இருந்தால் அவருக்கு கண்டிப்பாக கல்யாண செலவிற்கு கை கொடுக்கும்.. நம்மிடம் இரண்டு மொபைல் இருக்கிறதே.. அதில் ஒன்று இன்னமும் பெங்களூர் சிம் கார்டுடன் சும்மாக தானே இருக்கிறது.. அதை கொடுத்து இவருக்கு உதவலாமே)"..

என் சிம் கார்டை நீக்கிவிட்டு அவரிடம் என் மொபைல் போனை கொடுத்தேன்.. அதை மிகுந்த மகிழ்ச்சியுடன் வாங்கிச் சென்றார்..

வழக்கமாக மற்றவருக்கு உதவி செய்தால் வரும் மகிழ்ச்சியை விட சற்று கூடுதல் மகிழ்ச்சி இருப்பதாக உணர்கிறேன்..
(Who knows, It could be my illusion)..
நான் செய்த இந்த காரியத்தில், உதவி என்பதையும் தாண்டி ஒரு சிறு தியாகமும் இருப்பதாக என் மனதிற்கு படுகிறது..
அந்த நண்பரிடம் மேலும் பேச ஆவலாய் இருக்கிறேன்..